Одржување и редизајн на веб страни

Повеќето сајтови не се расипуваат одеднаш — полека стареат

Плагините застаруваат, темата престанува да се поддржува, хостингот станува побавен, и еден ден формата престанува да праќа или сајтот е хакиран. Никој не забележува додека не забележи клиент.

Тој дел го преземаме ние. Редовни ажурирања тестирани пред објава, бекапи надвор од серверот, мониторинг и безбедност — за сајтот да работи без да мислите на него.

Што опфаќа одржувањето на веб страна

• Ажурирање на WordPress, тема и плагини — прво на staging, никогаш на слепо
• Дневни бекапи — со процедура за враќање што навистина е тестирана
• Мониторинг на достапност и безбедност — Telegram аларм штом нешто не е во ред
• Проверка на брзина — Core Web Vitals во ред и кога содржината расте
• Мали измени — текст, слики, нови страници, формулари
• Хостинг — на нашата Hetzner инфраструктура или на вашата

Преземање сајт што го изработил друг

Тоа е честа и нормална работа за нас. Почнуваме со ревизија: што е инсталирано, што е застарено, што е ризично и што е поевтино да се замени отколку да се крпи. Добивате пишан извештај и искрена препорака.

Редизајн на веб страна

Ако сајтот изгледа застарено, се вчитува бавно или не работи добро на телефон, редизајнот често се исплатува преку повеќе барања. Ги задржуваме постоечките URL-и и позициите во Google со правилни пренасочувања, па новиот изглед не ве чини сообраќај.

Како ја пресметуваме цената

Одржувањето е месечен договор според големината на сајтот; редизајнот е проект. И двете почнуваат со бесплатна почетна проверка на постоечкиот сајт.