Како да отворите онлајн продавница во Македонија — чекор по чекор

Отворањето онлајн продавница не почнува со дизајн, туку со неколку практични одлуки. Еве го редоследот што заштедува најмногу време.

1. Регистрирана дејност

За да примате плаќање со картичка и да издавате фискални документи, ви треба регистрирана фирма или трговец поединец со соодветна дејност. Разговарајте со сметководител уште на почетокот — тој ќе ви каже што е потребно за вашиот случај.

2. Договор со банка за плаќање со картичка

Банката ќе побара веб страна со јасни услови за купување, политика за приватност, политика за враќање и контакт податоци. Процесот знае да трае неколку недели, затоа почнете паралелно со изработката.

3. Домен и хостинг

Домен .mk или .com.mk делува доверливо за домашните купувачи. Хостингот треба да е брз и стабилен — продавница на слаб сервер губи продажби.

4. Платформа

За повеќето македонски продавници препорачуваме WooCommerce: нема месечна претплата за платформата, лесно се поврзува со македонски банки и курири, и сè останува ваше.

5. Производи

Добри фотографии, јасни описи, цена, залиха и варијанти (големина, боја). Ова е најголемиот дел од работата — и најчестата причина за доцнење.

6. Достава

Изберете курирска служба и договорете услови. Со плагин за ELS Express или Карго Експрес, пратките се креираат директно од нарачката.

7. Маркетинг од првиот ден

Продавница без посетители не продава. Поставете Meta Pixel и Google Analytics пред лансирање, отворете Google Business профил и планирајте први реклами.

Ако сакате да ја изградиме продавницата за вас, пишете ни — спецификацијата и понудата се бесплатни.